Тие се едни од најдобрите тенисери на сите времиња, но и едни од најинспиративните спортски брачни парови. Имаат освоено дури 30 гренд слем турнири, но нивниот најголем трофеј е секако раѓањето на нивните деца – ќерката Џаз и синот Џејден. Во продолжение прочитајте ја нивната интересна љубовна приказна.

Во далечната 1992 година, Андре Агаси се подготвувал за балот организиран по повод Вимблдон, традиционален настан што секогаш се одржувал на крајот од турнирот. Потсетувајќи се на сè во својата автобиографија „Open“, познатиот тенисер рекол дека умирал од желба да дојде на балот, знаејќи дека машките и женските победници на Вимблдон ќе танцуваат таму. Таа година, Штефи Граф, која денес го слави 56-от роденден, го освоила турнирот, а таа го привлекла неговото внимание за време на интервјуто што го дала за француската телевизија.

„Се чувствував како да ме удрил гром, бев воодушевен од нејзината грациозност и природна убавина. Се обидов да ја контактирам, ѝ пратив порака во 1991 година по Отвореното првенство на Франција, но таа не ми одговори.“

Откако го победил Горан Иванишевиќ во финалето, Агаси се радувал поради фактот што ќе има можност да танцува со Граф, но за кратко време дознал дека победничкиот бал е откажан.

Агаси бил многу разочаран, но таа вечер сепак не пропуштил официјално да се запознае со познатата Германка.

„Ѝ кажав дека веќе некое време сакам да стапам во контакт со неа и да разговараме. Таа не ми одговори ништо. Едвај се насмевна, тоа беше таинствена насмевка и не знаев дали е знак на среќа поради она што го кажав или нервоза“, се присети тој во својата автобиографија.

Граф била во врска со Мајкл Бартелс од 1992 до 1999 година, додека Агаси започнал врска со актерката и модел Брук Шилдс во 1993 година. Најинтересно е што во пресрет на нејзината свадба со тенисерот во 1997 година, Шилдс закачила фотографија од Граф на фрижидерот, сакајќи „нејзините совршени нозе“ да ѝ бидат мотивација.

Во 1999 година, Граф, по 17 години поминати претежно на врвот на тениската листа, одлучи да ги „пензионира“ своите рекети откако освои уште еден турнир во низа турнири, Отвореното првенство на Франција, кое Агаси го освои истата година во машка категорија.

Откако двегодишниот брак на Агаси со Шилдс се распаднал, на негово барање, неговиот тренер се договорил со тренерот на Штефи Граф да прават заеднички тренинзи за парови по повод турнирот во Флорида.

Тогаш започнала неговата мисија да ја освои тенисерката – ѝ испраќал букети рози, но и увежбувал разговори со својот тренер пред да ѝ се јави и да ја покани на состанок. Но, имало мал проблем – таа сè уште официјално била во врска со Бартелс, а разводот на Агаси не бил јавно потврден.

На крајот, Отвореното првенство на Франција и Вимблдон ги споија таа година. Додека летал за Лондон, помеѓу два турнира, Агаси направил честитка за роденден за Граф од менито на авиокомпанијата, а откако таа ја добила, му се јавила. Тој телефонски разговор бил неговиот, како што подоцна изјави, последен обид за додворување, и тој бил искрен во врска со тоа.

„Морам да ти кажам пред да продолжиме понатаму – мислам дека си прекрасна. Многу те почитувам, ти се восхитувам и навистина би сакал подобро да те запознаам. Тоа е мојата цел и мојот единствен план.“

Тоа лето почнале да се дружат и набрзо таа ја завршила врската со Бартелс и објави дека се повлекува од тенисот. Вимблдон беше нејзината последна победа во кариерата. Во септември, кратко откако медиумите ја открија нивната врска, Граф се преселила во домот на Агаси во Лас Вегас. Токму во дворот на таа вила се венчале на 22 октомври 2001 година, боси, облечени во фармерки, пред матичарот, а единствените сведоци биле нивните мајки.

Како што еднаш призна за индиското издание на Форбс, моментот кога Граф се согласила да се омажи со него бил најголемиот успех во неговиот живот. „Најтешко ми беше нејзе да ја освојам… кога Штефи Граф ќе рече да, тоа е тоа.“

 

View this post on Instagram

 

A post shared by Andre Agassi (@agassi)