Српскиот портал „Нова.рс“ објави видео запис од Арената во Нов Белград, каде се носат гласачките ливчиња од Република Српска, а на кое се слуша како маж кој се претставува дека е од Република Српска ги упатува гласачите на понатамошни постапки.

Можеме ли да гласаме овде, немаме време?“, праша еден од присутните од организацијата.

„И таму ќе гласате, влезете од другата страна“, се слуша како одговара постар човек од организацијата, па продолжува: „Имате штанд, пишува Савски венец, Вождовац…“

Потоа група мажи наводно од Република Српска се упатуваат кон Арената, со потсмев коментирајќи дека не се од тие општини, пишува српскиот портал.

Потоа се слуша како еден од нив вели дека не сака да се фотографира. Репортерите на порталот Нова.рс утринава го посетија просторот околу Арената каде затекнале десетици лица за кои се претпоставува дека се гласачи кои биле донесени од Република Српска.

На Твитер утрово беше објавено видео снимено во еден од автобусите кои донесоа гласачи во Србија, а на него се слуша како авторот им објаснува на гласачите дека тоа што го прават е незаконски.

Novi Beograd
Upali smo u Bosanski glasački autobus kod Arene.#izbori23 #SrbijaProtivNasilja pic.twitter.com/KOjCp3EKud

— Čarli Vafls (@CharlieWafflees) December 17, 2023