Бундеслигата денеска продолжи со натпреварите од 26. коло по двомесечна пауза предизвикана од пандемијата на коронавирусот.

Пандемијата се уште не е целосно победена, но животот се полека се враќа во нормала, а Германците се први кои одлучија да го вратат фудбалот.

Поради ригорозните мерки не е дозволено присуство на навивачи на трибините, додека играчите на мора да бидат раздвоени на клупата за резерви, а забранет е пристапот на теренот и за новинарите.

Сепак, задолжителните интервјуа по натпреварување не се откажани, итрите Германци најдоа оригинален начин како да ги направат интервјуата со фудбалерите.

Интересно е што не само растојанието помеѓу снимателот и фудбалерот е поголемо од два метри, туку и новинарите прашањата ги поставуваа од новинарските ложи на трибините.