Како да направите домашно посно млеко
Започнаа велигденските пости и доколку се придржувате, навреме осмислете го вашето неделно мени. Ако сте од оние што не можат да замислат ден без кафе со млеко или сакате домашни слатки што го содржат, не грижете се, бидејќи лесно можете да направите одлично посно млеко од соја. Тоа е барем поевтино отколку купеното во продавница, а се прави брзо и лесно. Можете да го додадете во сосови, но и во колачи или кафе. Уживајте!
Препорачано
Состојки:
– 100 грама непечена соја во зрна
– 1 лажичка мед
– 1 лажичка ванилин шеќер
– 1,5 литар вода
– 2 памучни пелени или газа
Подготовка:
Истурете ја сојата во тенџере и покријте ја со вода (половина литар), па оставете ја преку ноќ. Наутро процедете ја и измелете ја во блендер, а можете да користите и мелница за месо, ако имате.
Вратете ја сојата во тенџерето и сипете вода (1 литар), па варете додека не зоврие. Потоа тргнете од шпоретот и оставете го малку да се излади.
Во друго тенџере ставете памучни пелени или газа и сипете ја смесата со соја. Затворете ги памучните пелени и добро процедете. Во добиеното млеко од соја сипете мед и ванилин шеќер, па добро измешајте и сипете во стерилизирано шише.
