Првиот чекор, кој е и најважен, е да го исчистите фрижидерот. Направете ревизија во фрижидерот, исфрлете ја расипаната и застоена храна. Исклучете го фрижидерот и внимателно измијте ги и исушете ги ѕидовите, полиците, како и страничните полици во внатрешната страна од вратата.

Иако редовно го чистите, се случува ладилникот да не мириса баш најпријатно. Секако, тоа не значи дека треба да кренете раце од него. Мора и понатаму редовно да го бришете и чистите и тоа најдобро со вода и оцет (половина-половина). Но, не можеме секогаш да го запреме мешањето на мирисите.

Доколку не успевате да се ослободите од непријатниот мирис од ладилникот и по чистењето и исфрлањето на непотребните производи, испробајте ги следните трикови и изненадете се од пријатниот мирис по наредното отворање на ладилникот.

Добро познат рецепт за елеминирање на непријатната миризба, кои го користеле дури и нашите баби, е мешавината на оцет и вода. Измешајте ги овие две течности и со комбинацијата премачкајте ја внатрешноста на фрижидерот. Оставете го малку отворен фрижидерот да се проветри и резултатите ќе бидат неминовни. Друг начин за отстранување на непријатната миризба којшто е познат помеѓу народот е растворот од сода-бикарбона во вода. Исто како и првиот совет, натопете крпа во оваа течност и избришете ја внатрешноста на фрижидерот. За нешто посилна миризба, земете хартиени крпи и завиткајте ги во форма на топки и оставете ги да отстојат во фрижидерот неколку денови. Потоа, извадете ги и фрлете ги, а внатрешноста исчистете ја со некоја од првите две комбинации. Во случај да се решите да го одмрзнете фрижидерот кој има непријатна миризба, додека стои отворен оставете во него неколку крупни зрна кафе. Доколку ниту една од претходните сугестии не успее, тогаш на памук капнете неколку капки екстракт од ванила и оставете.

Производи кои брзо и лесно ги елиминираат непријатните мириси

Сода-бикарбона, поточно нејзиниот воден раствор. Растворете ја содата во вода во сооднос 1: 2 и ставете во 2-3 отворени садови на полиците на фрижидерот. Можете да користите и само сода-бикарбона. Исто така, распоредете ја во фрижидерот во помали садови, можете да ја менувате еднаш месечно. Или промешајте во чаша вода лажица сода-бикарбона и неколку капки сок од лимон. Оставете ја чашата во фрижидер неколку часа.

Сода-бикарбона или зрна кафе

Ако одлучите да го одмрзнете фрижидерот, може да послужи и сода-бикарбона или зрна кафе, кои можете да ги ставите во него додека го чувате отворен, кои ќе ги апсорбираат непријатните мириси.

Екстракт од ванила

Ставете неколку капки екстракт од ванила на памук и ставете фрижидер. Оставете да отстои неколку дена, по што не само што ќе ја елиминира смрдеата, туку ќе имате и фрижидер со пријатен мирис.

Лимон

Можете да користите агруми (лимон, портокал). Исечете го лимонот на парчиња и наредете ги по полиците на фрижидерот. Менувајте ги секој втор ден. Кората од портокал се користи на истиот начин. Како резултат, ги отстранува мирисите и добиваме природен освежувач.

Млеко

На елиминирањето на непријатните мириси ќе помогне и обичното млеко. Само истурете млеко во шоља и оставете го во фрижидерот 24 часа. Со ништо не ја покривајте шољата. Млекото можеби и ќе скисне, но мирисите ќе исчезнат.

Јаглен

Активниот или дрвенниот јаглен, исто така, е многу ефикасно средство во борбата против непријатните мириси. Само поставете мали парчиња (или неколку таблети од активниот јаглен) на помал сад, и ставете го во фрижидерот. По 8-10 часа, совршено ќе ги апсорбира сите мириси.