Како да ги искористите по празникот: Највкусните рецепти со велигденски јајца
Колку и да сте свариле и вапсале јајца, сигурни сме дека по Велигден ви останале и некои неизедени, а дел од нив често ги фрлате бидејќи се плашите да не се расипат.
Препорачано
Ви препорачуваме неколку интересни рецепти со кои ќе искористите варените јајца за нови вкусни јадења.
Салата со зеленчук и јајца
Состојки:
– зеленчук (домати, авокадо, моркови, спанаќ, краставици…)
– 1 млад кромид
– неколку листови зелена салата
– 4-5 тврдо варени јајца
– 1 павлака
– сол
– бибер
– зачини
Подготовка:
Зеленчукот исечкајте го во форма по желба, белката на коцки, кромидот на парченца, а зелената салата на тенки резанки. Жолчките иситнете ги и измешајте ги со павлаката и зачините. Оваа салата може да ви биде оброк или како прилог со месо.
Салата мимоза
Состојки:
– 150 грама шунка
– 150 грама кашкавал
– 3 јајца
– кисела павлака
– 2 варени компири
– 150 грама мајонез
Подготовка:
Компирите сварете ги, излупете ги и потоа изрендајте ги. Зачинете со сол и бибер. Наредете ги по ред ренданата шунка (или друг сувомесен производ), ренданите компири, кашкавалот и јајцата. Помеѓу секој слој премачкајте со мешавина од мајонез и павлака. Украсете со рендани јајца.
Полнети јајца
Преостанатите јајца можете да ги наполните така што ќе ги измешате жолчките со некои состојки.
Прва комбинација: малку мајонез, сенф и сечкана шунка
Втора комбинација: малку павлака или сирење, ситно сечкани маслинки
Трета комбинација: ситно сечкани кисели краставички, сувомесен производ што го имате дома, измешано со крем-сирење и магдонос.
Ролат со јајца
Состојки:
– 1 килограм мешано мелено месо
– 300 грама кромид
– чешне лук
– суви зачински билки, по желба
– сол
– бибер
– 1 јајце
– 5 тврдо варени јајца
– ролат, солен ролат
Подготовка:
Исечкајте го кромидот, изгмечете го лукот и ставете го во месото. Посолете, зачините, побиберете и сето тоа измешајте го со месото. Месото се замесува убаво, па се додава изматеното јајце.
Земете фолија, намачкајте ја со масло и месото развлечете го и обликувајте го во правоаголник. Ставете ги варените јајца, па свиткајте во ролат.
Ставете во подмачкан плех и печете на 250 степени околу 45 минути, во зависност од рерната.
