Екипата Барнли по експресното враќање во Премие лигата се очекува да обезбеди и засилувања ова лето, едно од нив може да биде англискиот фудбалер, Кајл Вокер. 

Како што пренесуваат британските медиуми, Вокер веќе ги договорил личните услови со клубот, а трансферот би можел да биде комплетиран многу брзо. Манчестер сити и Барнли се во финална фаза на преговори и зделката би требало да изнесува околу пет милиони евра.

Пеп Гвардиола повеќе не смета на услугите на 34-годишниот дефанзивец, кој минатиот пролетен дел од сезоната го мина на позајмица во Милан. Сепак, „росонерите“ одлучија да не го откупат неговиот договор, па така на повидок е негово враќање во новиот клуб.

Во редовите на Барнли е и македонскиот репрезентативец Дарко Чурлинов, но откако во минатата сезона беше позајмен на Јагиелонија од Полска, позајмица во друг клуб може да се очекува и ова лето.