Советот на јавни обвинители по завршената дисциплинска постапка и предлогот за разрешување едногласно одлучи Лејла Кадриу повеќе да не биде обвинител. Членовите на Совотот се согласиле да ја прифатат и оставката на претходно санкционираниот обвинител Миле Арсениевски дека одолговлекувал предмет и не доаѓал на закажаните судски рочишта.

Нему му е утврден престанок на функцијата на негово лично барање. Арсениевски работеше во скопското обвинителство додека Кадриу го претставуваше тетовско обвинителство.

Нејзината  кариера кратко продолжи во сега веќе згаснатото Специјално јавно обвинителство, но брзо доби отказ од тогашната обвинителка Катица Јанева заедно со уште една обвинителка. Дисциплинската постапка за Кадриу е од минатата година по инцидентот во селото Синичани поврзано со водоводната мрежа.