Женската кошаркарска репрезентација на Македонија до 16 година со убедлив пораз од дури 24:113 го започна настапот на Европското првенство Б-дивизија што се одржува во Подгорица, Црна Гора.

Кошаркарките лошо го започнаа натпреварот и по само десет минути игра беше јасно дека Србија ќе ја оправда улогата на голем фаворит.

Кадетките во првата четвртина постигнаа осум поени (8:27), но беа уште полоши во втората четвртина кога дадоа само четири поени, дури 35 помалку од противничките кошаркарки. На крајот Србија славеше со убедливи 24:113.

Во второто коло, избраничките на селекторот Даниловски утревечер (18.45 ч.) ќе играат против БиХ која во првото славеше над Ирска со 60:55.