Братот на сопругата на Абу Бакр ал-Багдади, озлогласениот лидер на Исламска држава кој е убен во воена акција на американските воени сили на 25 октомври, даде неверојатно интервју за саудиската телевизија ал-Арабија, пренесува хрватски „Индекс“.

Мохамед Али Сајет наводно открил клучни детали кои им помогнале на Американците во потрагата за лидерот на ИД, откако и самиот Сајет е заробен.

Се верува дека Сајет служел како водич на ал-Багдади. На ИД им се приклучил во 2015 годинам кога оваа терористичка организација беше на врвот на својата моќ. Исламска држава тогаш контролираше десетици илјади квадратни километри територија, милиони луѓе и заработуваше десетици милиони долари месечно од крадење вредни работи од населението, криумчарење на нафта и аерхеолошки артефакти, странски донации и откупнини од киднапирања на луѓе.

Багдади со помошниците закопал злато, сребро и долари во ирачката пустина

Ал-Багдади и неговите најблиски помошници значаен дел од парите, ако може да му се верува на Сајет, едноставно ги закопале во пустината. Станува збор за злато, сребрно и американски долари. Сметале дека ќе можат да се вратат по него, но сите сега се или ликвидирани во акциите или се заробени, како што е Сајет.

Exclusive: Al Arabiya interviews one of Abu Bakr al-Baghdadi’s companions, currently detained by the Iraqi intelligence, about the ISIS leader’s last days. Here’s what he had to say: https://t.co/YNg0bj0rL8 pic.twitter.com/tOGVG7TUPM

— Al Arabiya English (@AlArabiya_Eng) October 27, 2019

Сајет е заробен во јули оваа година при влегување во Багдад, каде требало да се сретне со тајните келии на Исламска држава, кои се уште постојат ширум Сирија и Ирак.

Тој во интервју од ирачки затвор, каде што и сега се наоѓа, на новинарот на Ал-Арабија му открил дека злато, сребро и 25 милиони американски долари во готово биле сокриени од страна на овчари во пустината во источната ирачка покраина Анбар, каде се криеле членовите на ИД.

Исламска држава претходно ги користела истите овчари за помош при движење од една на друга локација. Но, како што се зголемувала опасноста од воздушни напади и акции на специјалци, овчарите побегнале од тоа подрачје, а наскоро морале да бегаат и членовите на ИД.

Според зборовите на Сајет, овчарите најверојатно се вратиле по богатството кое го сокриле.

Помошниците на Багдади се убивани „еден по еден“

Сајет исто така открил дека Багдади не го очекувал нападот, бидејќи преземал „високи мерки за безбедност“, заедно со „одлични тактики за криење“.

– Престојуваше во тунел долг осум метри, широк пет до шест метри. Имаше и книшка, религиозни книги, Куранот…Местото на коешто се криеше беше добро за него – рече Сајет, опишувајќи ги условите во кои престојувал Багдади.

Сепак, додаде дека ситуацијата се влошувала со тек на време, и дека последниот пат кога се сретнале, Багдади сакал да се префрли на друга локација, но не знаел како.

Причина за тоа најверојатно бил обрачот кој се стегаше над него, откако ирачките разузнавачки служби добиле клулни информации за него од еден друг соработник, Исмаил ел-Етхави. Ликвидацијата на помошниците на Багдади задолжени за неговата сигурност одеа една по друга: прво неговиот брат, па свекорот, па и другиот шура, кој бил со него во времето на нападот над засолништето.

Лидерот на ИД се разнесе со бомба

За потсетување, Абу Бакр ал-Багдади самиот се разнесе со самоубиствен појас со експлозив, откако американските специјалци пукале во ѕидот на неговото засолниште. Тој заедно со себе ги ликвидираше и своите три деца кои ги држеше како жив штити.

Американскиот генерал Кенет Мекензи, по акцијата изјави дека се убиени шест борци на Исламска држава, вклучувајќи го Багдади. Тој додаде дека во акцијата се убиени и припадници на други милитантни групи кои отвориле оган на хеликоптерите кои ги пренесувале американските специјалци, припадници на познатата служба „Делта Форс“.

Американските медиуми претходно известија дека ДНК-та на Багдади ја набавил шпион на курдските сили кој бил инфилтриран во најблискиот круг на лидерот на ИД, и се смета дека тој бил клучен за неговото лоцирање. Интересно е да се напомене дека, примерокот на ДНК го набавил откако му ги украл гаќите на Багдади, кои подоцна се искористени за споредување и потврудвање на смртта на озлогласениот терорист.