Дваесет и шестгодишен Јужнокореец е осуден на една година условна казна затвор затоа што со намера се прејадувал за да ја зголеми телесната тежина и да биде прогласен за неспособен за воен рок.

Во првата фаза од регрутацијата, 26-годишниот маж бил прогласен за способен, но спроти втората тој ја зголемил тежината на 102 килограми за да биде во категоријата регрути што воениот рок го служат без оружје, во владина агенција.

Пријателот што му ја препорачал диетата е условно е осуден на шест месеци затвор. Тој пред суд се бранел со изјавата дека „не верувал дека неговиот пријател можел да совлада толку екстремен режим на исхрана“.

Воениот рок во Јужна Кореја е 18 месеци и е задолжителен за сите мажи со наполнети 18 години.