На јужноафриканскиот опозициски пратеник Џулиус Малема, кој стана познат по своите контроверзни ставови за расните прашања во земјата, му е забранет влез во Обединетото Кралство, соопшти британското Министерство за внатрешни работи.

Малема е прогласен за „непожелен за јавното добро“ поради неговите изјави што вклучуваат поддршка за Хамас, како и за повикување на насилство против белците во Јужна Африка, пишува Би-Би-Си.

Во писмо објавено од неговата партија, Борците за економска слобода (EFF), британските власти ги наведоа изјавите на Малема како основа за одлуката, посочувајќи дека тој повикал на насилство против белците во Јужна Африка.