Јувентус казни тројца свои играчи за организирање забава во домот на Вестон Мекени во средата, кршејќи го правилото кое е на сила во Италија, а кое се однесува на мерките за спречување на ширење на коронавирусот.

Мекени организираше приватна забава во неговиот дом на која покани 10 лица. На истата беа и Пауло Дибала и Артур.

Сите тројца се суспендирани од клубот и немаат право да играат на првенствениот натпревар против Торино во сабота со почеток во 18.00 часот.

Истата суспензија може да биде продолжена и на заостанатиот меч од третото коло на шампионатот против Наполи во среда.

Во Италија, полицискиот час е во сила од 22.00 до 05.00 часот. Полицијата пристигнала во домот на Мекени на повик на сосед околу 23.30 часот.