Јувентус потврди дека Погба е суспендиран откако падна на допинг тест
Пол Погба има голем пад на својата натпреварувачка форма, а сега доби и суспензија која ја потврди и неговиот клуб Јувентус.
Препорачано
Францускиот играч за врска беше тестиран по натпреварот против Удинезе, по што беше констатирано зголемено ниво на тестостерон.
– Фудбалскиот клуб Јувентус на 11 септември 2023 година објавува дека Пол Погба е превентивно суспендиран од антидопинг организацијата поради неговите тестови направени на 20 август 2023 година – стои во соопштението на Јувентус.
Французинот има рок од три дена да побара Б примерок од тестот. Доколку примерокот Б сè уште биде позитивен, Погба ризикува максимална суспензија и казна од четири години – со почетна забрана од две години, која може да се удвои ако биде прогласен за виновен дека намерно ја земал супстанцата.
Juventus midfielder Paul Pogba has now been provisionally suspended for anti-doping offense. ⚪️⚫️⚠️
Decision has been officially confirmed by Italy’s National Anti-Doping tribunal statement. pic.twitter.com/NbTqsW4gUh
— Fabrizio Romano (@FabrizioRomano) September 11, 2023
Откако ја започна својата кариера во Манчестер јунајтед, Погба го достигна врвот во Торино во својот прв период, каде освои четири титули во Серија А со Јувентус и исто така беше номиниран за „Златната топка“.
Во 2016 година се врати на „Олд Трафорд“ како тогаш најскапиот трансфер во фудбалот и ја освои Лигата на Европа со „црвените ѓаволи“. Но, потоа проблемите со повредите оттогаш го натераа да се оддалечи од фудбалот откако го започна и вториот мандат во дресот на „Старата дама“.
Paul Pogba’s agent Rafaela Pimenta: “We’re waiting for the counter-analysis and we can’t say anything now” ⚠️??
“For sure, Pogba never wanted to bend the rules — I can guarantee that”, told Tuttosport. pic.twitter.com/vixLA9NzKb
— Fabrizio Romano (@FabrizioRomano) September 11, 2023
Еве што кажа и агентот на Пол Погба, Рафаела Пимента.
– Ја чекаме контра-анализата и сега не можеме ништо да кажеме. Сигурно, Погба никогаш не сакаше да ги наруши правилата, тоа можам да го гарантирам – рече Пимента за „Тутоспорт“.
