Британските и италијанските медиуми информираат дека „Старата дама“ ја следи ситуацијата со моментно најдобриот стрелец сезонава на Вулверхемптон, Раул Хименез.

Мексиканецот оваа сезона блеска запишувајќи 26 голови и 10 асистенции во 51 настап во сите натпреварувања. Во претходните месеци се поврзуваше со голем број на клубови, вклучувајќи ги Ливерпул и Манчестер јунајтед.

И Јувентус е во трката за 29-годишниот напаѓач кој го гледаат како идеална замена за Даглас Коста.

Се шпекулира дека можно е екипата од Торино наскоро да се ослободи од Бразилецот кој пак е на „радарот“ на Манчестер сити и ПСЖ.

Хименез има важечки договор со Вулверхемптон до 30 јуни 2023 година, а моментно според „Трансфермаркт“ вреди 40 милиони евра.