Конференција на вселенската индустрија во САД го отстрани името на прославениот советски космонаут, првиот човек во вселената Јуриј Гагарин, од еден свој настан.

Името на настанот за собирање средства на конференцијата Вселенски симпозиум, од „Ноќта на Јуриј“, „во контекст на актуелните светски настани“ е сменето во „Празнување на вселената: Откријте што е следно“, објави непрофитната фондација „Спејс“ со седиште во Колорадо, во белешка која подоцна беше избришана.

„Фокусот на овој настан за собирање средства останува ист – да се слават човековите достигнувања во вселената и истовремено да се инспирира следната генерација да посегне по ѕвездите“, пишуваше во избришаните белешки.

Ова е прилично сомнително покажување солидарност со украинскиот народ, пишува порталот „Футуризам“, „особено ако се земе предвид дека Гагарин работеше за СССР, сосема поинаква земја од денешна Русија. А шлагот на тортата? Украина, всушност, се чини дека го обожава Гагарин и неговото монументално достигнување“.

Бришењето на името на првата личност што некогаш полетала во вселената додека наводно се слават „човековите достигнувања во вселената“ е доволно лошо, вели њујоршки Футуризам, но тоа да се прави како дел од трендот на отфрлање на сите работи од Русија, вклучително и познати композитори и прехранбени производи, во услови на актуелната инвазија на земјата на Украина, едноставно е срамота, забележува порталот.