ЈСП Скопје соопшти дека по повод државниот празник 8 Септември – Денот на независноста, за време на продолжениот викенд јавниот превоз ќе функционира по неделен возен ред.

Во недела дежурни ќе бидат билетарниците и центрите за персонализација на Транспортен центар и Зелен пазар, а во понеделник ќе работат само билетарницата и центарот за персонализација на Транспортен центар.

Жичницата ќе работи вообичаено за време на викендот, од 10 до 20 часот, со последно возење од подножјето во 19:30 и од врвот во 19:45.

В понеделник жичницата нема да биде во функција, бидејќи секој понеделник и последен вторник во месецот се неработни денови за жичницата.