Од ЈСП Скопје соопштија дека фејсбук-профил со името Јавен превоз Скопје шири лажна вест за продажба на картички Скопска, кои за симболична цена од 145 денари овозможуваат бесплатен превоз низ градот од секаков вид.

-ЈСП Скопје утврди лажна вест со која е ФАЛСИФИКУВАНО логото на електронската картичка Скопска, објавено на социјалните мрежи од страна на група наречена Јавен превоз Скопје, која не е поврзана со Јавното сообраќајно претпријатие Скопје. Се работи за измама со лажен линк што краде податоци од платежните картички на граѓаните – велат од претпријатието.

Ова не е првпат да се забележат измами од овој тип, откако во август минатата година, исто така на Фејсбук, започна да се шири лажна вест за издавање на бесплатни картички Скопска.

Лажна вест за бесплатна карта за автобус се шири на Фејсбук, граѓаните да не „наседнуваат“ на измамата