ЈП „Дрисла“ најостро ја осудува и демантира веста дека ноќеска горела „Дрисла“ која, според нив е лажна и лиферувана од политички центри на моќ за дефокус од нивните скандали, кога всушност, како што тврдат оттаму, вчера немало никаков пожар на депонијата.

ЈП Дрисла каде имаше обид за потпалување голем пожар пред 2 дена, со сопствени ресурси и со огромен труд од страна на Противпожарната бригада Скопје се справи со пожарот. Од тогаш состојбата е стабилна, а вчера низ јавноста беше лиферувана вест дека повторно горело во Дрисла, што е обид за дефокус од скандалот во Трубарево кој можеше да биде повторување на трагедијата во Кочани поради неспособноста и системските недостатоци на одредени институции, се вели во соопштението на претпријатието.