Хрватскиот репрезентативец Јошко Гвардиол станува најскапиот одбранбен играч во историјата на фудбалот. Како што пишува германски „Билд“, се е готово, Гвардиол од Лајпциг се сели во Манчестер сити.

Според истиот извор, Лајпциг ја прифати понудата од 90 милиони евра за услугите на 21-годишниот дефанзивец.

„Билд“ пишува и дека освен парите на Лајпциг, тој се согласи да одигра пријателски натпревар со Сити, каде првите луѓе на клубот веруваат дека можат да заработат уште 1.500.000 евра.

Претходен рекордер меѓу дефанзивците беше Хари Мегваер, за кого Манчестер јунајтед му плати на Лестер 87 милиони евра.

Од овој трансфер на Јошко Гвардиол ќе заработи и Динамо, поранешниот клуб на играчот, односно загрепчани ќе добијат 14 милиони евра.