Најдобрата македонска кошаркарска репрезентација во својот шести натпревар од квалификациите за пласман на Европското првенство 2025 на домашен терен ја совлада Полска со 88:74.

Нашите најдобри кошаркари со поразот од Естонија во минатото коло на гостински терен во Талин ги загубија шансите за учество на ЕП, па дуелот со Полјаците во СРЦ „Кале“ – Скопје немаше никакво резултатско значење.

На конечната табела во квалификациската група Х Литванија го освои првото место со 11 бодови и заедно со Естонија (10) ќе патуваат на континенталниот собир.

Македонија заврши како третопласирана со осум бодови и учинок 2-4, а последна е Полска со седум.

Потсетување дека Полјаците заедно со Кипар, Финска и Летонија ќе го организираат следното ЕП од 27 август до 14 септември 2025 година.

– Оваа победа која е важна за нас. За жал не можеме да го славиме овој триумф знаејќи го фактот дека обезбедивме пласман на Европското првенство. Но, многу значи да се слави над репрезентација која ќе биде учесник на ЕП и која го освои четвртото место на претходниот шампионат. Можеме да жалиме за првиот меч против Естонија, како и да е, среќен сум како играчите одговорија на денешниот меч, задоволен од првата до последната минута и воедно радосен што нашите навивачи што дојдоа си заминаа дома со добри кошаркарски перформанси – изјави селекторот на македонската репрезентација по мечот со Полска, Александар Јончевски.