По обвинувањата од ВМРО-ДПМНЕ, дека Јон Фрчкоски директорот на Центарот за истражување и анализи на СДСМ користел наркотична супстанца, тој соопшти дека од морални причини се повлекува од функцијата.

– Ниско и нечовечно е да се дефокусира јавноста за катастрофалниот начин на којшто се води истргата за трагедијата во Кочани во која згаснаа животите на 59 луѓе. Тоа зборува за ДПМНЕ но јас нема да дозволам да бидам месо за јавен линч. За грешките од минатото и слабостите во младоста не се гордеам, но нема да бидат товар за СДСМ, партијата којашто ги разоткрива сите криминали на ДПМНЕ. Фала на семејството и пријателите за поддршката во целава гнасна хајка во која ме втурнаа платениците на ДПМНЕ – пишува Фрчкоски.