Јелена Докиќ (39), некогашната позната тениска ѕвезда која подолго време живее во Австралија, но е родена во Осијек, Хрватска, проговори уште еднаш за ужасот низ кој поминуваше во младите години, за физичкото и ментално малтретирање од татко и Дамир Докиќ.

Во својот најнов пост на „инстаграм“ таа потсетува на нејзините најлоши моменти.

– Отечена, со модринки и раскрвавени потколеници од тепање и клоцање цела ноќ со остри чевли право во моите потколеници за губење на натпревар… Имав 17 години. До денес имам чувствителни и нерамни потколеници од тие ќотеци. Од секоја рана остана лузна и овие се мои. Јас преживеав, но не секоја жена и девојка ќе успее. И тоа е тажната реалност – потсетува Докиќ на своите маки, во желба да ја подигне свеста кај луѓето за десетици милиони жени кои страдаат повеќе од неа.

На втората фотографија е Јелена Докиќ од времето кога трпеше малтретирање од таткото по поразите на теренот. Таа во својата автобиографија од 2017 година со наслов „Нескршлива“, го обвини татко си за физичко и ментално малтретирање.

Докиќ во 2002 година дојде до 4. место на ВТА листата, а во кариерата можеше и многу повеќе да не беше малтретирањето.