Возач на автобус во Јапонија со 29 години стаж ја загубил отпремнината од 73.000 евра бидејќи украл 6 евра од парите дадени за автобуски билети. Градот Кјото отпушти неименуван возач откако тој беше фатен на безбедносната камера на неговиот автобус како проневери шест евра (1.000 јени) во 2022 година, пишува „Фигаро“.

Инцидентот се случил кога група од пет патници се качиле во автобус и им наплатил 1.150 јени.

Возачот побарал од групата да стават 150 јени во монети во кутијата за билет и лично зел банкнота од 1.000 јени (шест евра) што не ја пријавил.

Иако е снимен, возачот на автобусот, кој според судската одлука повеќе пати бил укоруван за разни инциденти, при разговор со претпоставените се обидел да ги демантира фактите. Возачот го тужеше градот откако му беше одбиена отпремнина од повеќе од 73.000 евра (над 12 милиони јени).

Првостепено осуден, казната првично му беше укината по жалба, а судот ја оцени казната преголема.

Сепак, Врховниот суд вчера донесе конечна одлука во корист на градот и ја потврди првичната пресуда, нагласувајќи дека неговото однесување може да ја загрози довербата на јавноста во системот и правилното управување со автобускиот превоз, пренесува Танјуг.