Комисијата на јапонското Министерство за здравство препорача одобрување на лекот против ковид-19, која ја разви американската фармацевтска компанија „Мерк“.

Последниот потег е дел од планот на премиерот Фумио Кишида да воведе нови третмани до крајот на годината поради зголемената загриженост околу омикронот.

Одлуката на комисијата ја поставува основата за испорака на 200.000 дози низ целата земја овој викенд, пренесува Ројтерс.

Убеден сум дека дистрибуцијата на овој лек е голем чекор напред во борбата против Ковид-19 во нашата земја – изјави за новинарите јапонскиот министер за здравство Шигејуки Гото, додавајќи дека некои медицински установи и аптеки ќе почнат да примаат таблети следниот понеделник.

Јапонија во голема мера се потпира на оралните третмани за да спречи сериозни инфекции и смртни случаи во случај на шестиот бран на пандемијата.

Владата во Токио минатиот месец се согласи да им плати на „Мерк“ и на нејзиниот партнер „Ridgeback Biotherapeutics“ околу 1,2 милијарди долари за 1,6 милиони третмани на нивниот лек, молнупиравир.