Министерката за образование и наука Весна Јаневска денеска ја поздрави одлуката на пратениците кои го изгласаа законот за верското образование, со што им се овозможува на учениците од овие училишта да полагаат државна матура и да се запишуваат на универзитетите на ист начин како и учениците од другите видови образование како гимназиското, стручното и уметничкото.

Таа истакна дека за овој закон министерството истражувало многу литература и закони од околните држави како Бугарија, Србија, Албанија, Хрватска, Словенија, потоа Германија, Англија и други земји од ЕУ.

-Видовме дека тие држави на многу сличен начин го решаваат верското образование кај нив самите. Се потрудивме да го направиме да биде уставен и, ако добро го читате законот, нема мешање на државата во верското образование, односно овој закон не ја нарушува секуларноста на државата. Но, за тоа образование, за да може да обезбеди проодност на учениците понатаму на висоокообразовните институции, државата дава предлог како може да се направи. Доколу верските училишта сакаат, ќе го почитуваат законот и ќе можат учениците да пристапат кон полагање на државна матура со што би можеле да продолжат и на другите факултети освен на теолошките, рече Јаневска.

Таа додаде дека доколку училиштата не одберат да работат по овој закон, нивните ученици нема да можат да полагаат државна матура, а со тоа нема да можат ниту да се запишат на ниту еден факултет„ освен на некој од теолошките.

-Водевме многу сметка да нема преклопување на ингеренциите, рековме дека како држава ќе им понудиме можност со наставни програми, ќе им ги понуди Бирото, со кои учениците би можеле да ја положат државната матура. Ако ги прифатат, учениците ќе може да положат матура, учениците што нема да положат државна матура, нема да можат да го продолжат образованието на другите факултети освен на теолошките факултети.

Во согласност сме со законите во околните држави и сметам дека крајно време беше и овој проблем да се реши. Како што сум информирана, 12 години се работи на овој проблем, имавме едно несреќно, неуставно решение кое Уставниот суд го поништи. Пратениците го прифатија овој закон, го подобрија, за што им благодарам. Се надевам дека ќе има , истакна Јаневска.

Јаневска рече дека се надева на успешна имплементација на овој закон, кој би започнал да важи од оваа или од следната учебна година.