Министерката за образование и наука, Весна Јаневска, најави исплата на регресот за годишен одмор или К-15 за вработените во образовните институции.

Во нејзината изјава таа вели дека исплата ќе се случи во текот на овој месец:

– До 31 декември секако ќе биде завршена исплатата на К-15 – вели министерката Јаневска.

На прашањето дали ќе има промена на датумите за зимскиот распуст за учениците во основните и средни училишта, Јаневска одговори дека нема да има промена. Поточно, зимскиот распуст ќе започне на 1 јануари, а ќе заврши на 18 јануари, со што на настава учениците и професорите почнуваат од 20 јануари, понеделник.