Градоначалникот на Кавадарци, Митко Јанчев ја потврди информацијата за пожарот кој утрово избувна во селото Чемерско.

Тој изјави дека на терен работат пожарникари, медицински лица и полицајци, пишува МИА.

-Нема жртва, тоа е најбитно. Приоритет беше да се извлечат на безбедно сите лица што престојуваат во домот. Имаме пратено два минибуса, пет амбулантни возила и ќе се транспортираат сите до Општа болница Кавадарци, од каде што семејствата ќе можат да си ги земат- истакна градоначалникот.

Пожар во дом за стари лица во кавадаречко

Регионалниот центар за управување со кризи – Велес (РЦУК) утрово извести дека во кавадаречкото село Чемерско избувнал пожар во дом за стари лица.

Според РЦУК-Велес, на терен интервенирале 10 пожарникари со три противпожарни возила, а исто така има три медицински тима и две полициски возила со осум полицајци.