Актуелниот градоначалник на скопската општина Карпош – Стевчо Јакимовски не открива дали ќе се кандидира за нов, петти мандат како градоначалник во Карпош.

Тој попладнево во интервју за Тв24 рече дека „анкетите биле на негова страна и дека граѓаните на Карпош му ја давале поддршката во три наврати кога било многу тешко“.

За СДСМ истакна дека имало интерес да поддржат негова кандидатура, но на крај решиле сепак да предложат  свој кандидат

„Карпош треба да има добар градоначалник“ рече Јакимовски.

Јакимовски информираше дека неговата партија Гром ќе има кандидат и заградоначалник на  Скопје а расположението во партијата било и за негова кандидатура во Карпош.

Тој напомена дека очекува исклучително црна кампања  и дека  не очекува пресудата за него да стане правосилна бидејќи како што вели поминале 4 месеци, а тој ја нема се уште добиено пресудата за да може да ја обжали.