Последните две трки од ФИС Ролерски Куп 2022 кои се одржаа во Пониква, поминаa во супер спортски амбиент и триумфи на македонските натпреварувачи.

Скијачката федерација на Македонија им упатува искрени честитки до сите учесници, а особено до Ставре Јада кој со освоени 51,32 ФИС поени се најде на првото место.

Исто така голем успех оствари и Ана Цветановска која со 104,82 ФИС поени запиша уште една победа во својата кариера.

– Воедно, пофалба до клубот Скии Рис за извонредната организација, како и голема благодарност до градоначалникот на Општина Кочани, Љупчо Папазов, за присуството и несебичната поддршка на настанот – информираат од федерацијата.

Во август Цветановска и Јада имаа најдобри ФИС поени во историјата на нашето нордиско и ролер скијање во машка и женска категорија. На трките во Пелистер Јада триумфираше двапати и освои 51,32 ФИС поени, додека Цветановска победи на трката во Крушево со запишани 85,45 ФИС поени.