По професија е гинеколог, но веќе 10 години е вклучена во политиката. Станува збор за Мерал Узеири-Ферати, пратеничка во Собранието на Македонија од редовите на ДПА. Мерал се смета за една од најубавите пратенички во нашата земја.

Но, колку е пријатно чувството кога и даваат комплименти? Денеска не е проблем, вели таа, но во нејзините почетоци во политиката се чувствувала непријатно.

Во емисија на Тв Клан, Ферати кажа дека на нејзините почетоци како пратеничка во медиумите станала вест заради нејзината убавина, a не поради нејзините ставови или изјави.

Таа одговори на прашњето дали убавината е пречка во политиката.

– Дефинитивно е пречка. Сега кога имам повеќе години, сигурно не ги добивам толку многу комплименти. Но, на почетокот беше тешко. Токму на почетокот кога станав пратеничка и го земав мандатот, без да имам став како политичарка, јас бев вест како убава пратеничка – вели таа.

Таа додаде дена не се чувствувала добро затоа тоа ѝ било хендикеп во текот на целиот живот.

– Другите се фокусираат на физичкиот изглед, кој изгледа како да се обидува да ги покрие другите атрибути. Но, штом ќе успеете да се етаблирате, потоа тој атрибут на убавина, кога ти велат дека си убава, го сфаќаш поинаку – рече пратеничката Мерал Узеири-Ферати.