Извештај на САД: Кина го прикривала вирусот за да натрупа залихи со медицински материјали
Американскиот државен секретар, Мајк Помпео уште вчера изнесе одредени обвинувања на сметка на Кина.
Кинеската влада намерно ја прикривала сериозноста од коронавирусот од меѓународната заедница додека трупала увезена стока и го намалувала извозот, се тврди во извештајот на американската Канцеларија за национална безбедност, пренесува Си Ен Ен.
Препорачано
-
1
-
2
-
3
Извор од админстрацијата кој е запознаен со извештајот им рекол кој е главниот заклучок во него.
„Кина најверојатно го скратила извозот на медицински залихи пред СЗО во јануари да објави дека ковид-19 е заразен“, рече тој.
Извештајот се појави во петокот и кружеше низ владата во САД, јавува извор. ЕјБиСи прв пренесе информации од тој извештај.
Претходно стигнаа обвинувања од Мајк Помпео
Американскиот државен секретар, Мајк Помпео уште вчера изнесе одредени обвинувања на сметка на Кина.
Рече дека Кина многу се трудела да скрие колку вирусот се проширил што вклучувало и скривање на тоа во колкави количества трупаат залихи.
„Конечно дојдовме до фактите“, рече Помпео за Еј Би Си кога новинарите го прашаа за трупање на залихи од страна на Кина.
„Можеме да потврдиме дека Кинеската комунистичка партија направи се што можеше за светот на време да не дознае што се случува“; рече во неделата Помпео.
Повеќе извори во администрацијата на Трамп рекоа за Си Ен Ен дека постои желба Кина да биде казнета на повеќе начини, како санкции, откажување на обврските во врска со американскиот долг и да се создаде нова трговска политика. Сето тоа се планира за Кина, како и сите останати, да сфатат што владата на САД мисли, кој е одговорен за оваа криза.
САД сака да ги пронајде виновниците
Во извештајот стои и дека Кина намерно ги скривала своите трговски активности така што јавно негирала дека го забранила извозот на маски и друг медицински материјал.
Истиот извор за Си Ен ЕН откри дека Кина има пристап до материјали кои се потребни за хируршки маски, заштитна облека и очила.
„Имаа робусни произведувачки капацитети и работна сила која тоа може брзо да го произведе“, додаде тој.
Помпео рече дека Трамп бил прилично јасен, кога рекол дека САД ќе утврди кој е виновен и ќе ги повика виновниците на одговорност.
