Турската полиција уапси сопственик на компанија кој се обидел да побегне од земјата откако луксузниот станбен комплекс за 1.000 луѓе што го изградила фирмата, се урнал во катастрофалниот земјотрес во Турција, јавија државните медиуми.

„Ronesans Residence“, блок луксузни апартмани во градот Антакија, го изградила компанијата на Мехмет Јашар Чошкун. Полицијата го уапсила газдата на аеродромот во Истанбул додека се обидувал да побегне во Црна Гора, пренесе „Анадолија“.

Hatay’daki depremde yıkılan Rönesans Rezidans’ın müteahhidi Mehmet Yaşar Coşkun’un, bu akşam Kanada’ya kaçacağı öğrenildi. pic.twitter.com/QyxYdteMpc

— Pusholder (@pusholder) February 10, 2023

Неговиот станбен комплекс имал 12 ката и вкупно 250 станови. Комплексот се рекламирал како збир од луксузни станови, изграден со почитување на сите прописи за градба. Сепак, тој беше целосно разурнат од земјотресот со јачина од 7,8 степени според Рихтеровата скала што го погоди градот Газиантеп во понеделникот наутро, по што набрзо следеше земјотрес со јачина од 7,5 степени во провинцијата Караманмараш.

Вчера турскиот министер за правда објави дека е покрената судска истрага за зградите кои се урнаа за време на земјотресот. Истражителите ќе се обидат да ги идентификуваат одговорните кои ги изградиле зградите или ќе сносат каква било одговорност за нивното уривање во 10-те најтешко погодени провинции.

Ќе бидат идентификувани и ќе одговараат пред судството, зошто направиле грешки и кои се одговорни за последиците по земјотресот, изјави министерот за правда Бекир Боздаг, пишува Middle East Eye.

Во 2013 година Турција воведе строги градежни прописи.