Израелскиот министер за финансии Безазел Смотрич го отфрли неодамнешниот предлог на Египет и Катар да заврши војната во Појасот Газа и да се формира технократска влада која ќе управува со територијата, заедно со Западниот брег,

Министерот, кој е на чело на крајно десната партија Верски ционизам, истакна дека израелската воена влада нема мандат да одобри таков план и дека неговата партија не би била партнер во влада која се согласува да ја прекине војната или да има дозволи на функционерите на Палестинската самоуправа да бидат вклучени во управувањето со Газа.

„Грешките не се повторуваат. Секој кој мисли дека државата Израел ќе се согласи на некој план на формирање професионална влада, во која ќе бидат вклучени Хамас и Палестинската самоуправа под маска на технократски функционери, живее во илузија“, оцени Смотрич.

Претходно, предлогот, кој им беше претставен на Израел, Хамас, САД и европските влади, предвидуваше целосно повлекување на Израел од Појасот Газа, ослободување на сите заложници кои ги држи Хамас, како и многу палестински затвореници и формирање на Палестинска влада од експерти кои ќе управуваат и со Западниот Брег и со Газа.

Предлогот, кој беше разработен со заливската држава Катар, вклучуваше неколку рунди размена на заложници и затвореници.

Според палестинските податоци, Израел држи околу 8.000 Палестинци во притвор.