Министерството за здравство, наводно „скова“ план како да поттикне повеќе Израелци да се вакцинираат со враќање на одредени активности за одмор во блиска иднина. Решението е во отежнување на пристапот на невакцинираните граѓани до кафулиња, спортски сали, хотели, ресторани и културни и спортски настани за оние кои одбиваат да се вакцинираат, додека вакцинираните ќе можат слободно да влегуваат, објави „Тајмс оф Израел“.

Здравствените власти се надеваат дека дополнителна мотивација за вакцинирање ќе постигнат и со отежнување на тестирањето за ковид-19, дел од владиниот план е наплата за тестови, ограничување на нивниот број и намалување на местата за тестирање.

Во последните три дена, само околу 65.000 Израелци дневно се вакцинирани со своите први истрели, иако вакцинациите сега им се достапни на сите Израелци на возраст од 16 години и повеќе.