Хезболах избра нов лидер, Наим Касем, а една од првите пораки, секако не честитка, пристигна преку социјалната мрежа Икс од Израел, и тоа од тамошниот министер за одбрана, Јоав Галант.

Имено, израелскиот министер за одбрана Јоав Галант испрати порака до новоизбраниот лидер на Хамас дека тој е привремено во улога на лидер на милитантната организација и дека деновите му се изброени. Со ова, тој најави дека Израел планира да продолжи со насочени напади против лидерите на Хезболах и Хамас кои ги смета за главни закани.

Движењето Хезболах, блиско до Иран и составено од либански шиити, за САД, ЕУ и Израел е екстремистичка организација. Оваа ситуација дополнително ја нагласува тензијата во регионот и потенцијалните воени дејствија на Израел во Либан и Појасот Газа.

המינוי – זמני
הספירה לאחור – החלה pic.twitter.com/LfZCHhadD9

— יואב גלנט – Yoav Gallant (@yoavgallant) October 29, 2024

Хезболах, кој игра значајна улога во либанската политика и воените операции, се смета за клучен актер во отпорот против Израел. Смртта на долгогодишниот лидер на групата во септември создаде празнина, но назначувањето на Касем укажува на континуитетот на организацијата.