Новинарот на ЕСПН, Адријан Војнаровски објави дека во тек се преговори на менаџментот на Филаделфија сиксерс, тренерот Док Риверс и агентот на Бен Симонс околу решавање на проблемот и враќањето на кошаркарот во екипата.

Симонс наскоро треба директно да зборува со претседателот за кошаркарски операции, Дерик Мори како и со тренерот Риверс, нешто што го нема направено од август и состанокот кој се одржа во Лос Анџелс кога прв пат побара да биде разменет.

Бен Симонс одигра очаен плеј-оф минатата сезона, навивачите го прогласија за главен виновник поради испаѓањето од Атланта, а критики доби и од соиграчите и од тренерот. Поради тоа, Симонс побара да биде разменет и одби да се појави на подготовките.

Управата одлучи да му овозможи на Симонс да се врати во екипата, а според медиумите причина за одлуката да кошаркарот да го прекине бојкотот.

Имено, доколку Симонс не се појави на првиот натпревар од новата сезона кој се игра идниот понеделник ќе остане без милион долари, но управата на Филаделфија му се закани на кошаркарот дека нема да му исплати 8.25 милиони долари, колку што изнесува втората рата од годишнатата плата на Симонс.

Бен Симонс со Филаделфија потпиша четиригодишен договор вреден 147 милиони според кој оваа сезона треба да заработи дури 33 милиони долари.