Несудениот романски претседател, екстремниот десничар Калин Џорџеску, објави дека се повлекува од политиката, изненадувајќи многумина на политичката сцена во државата, која помина низ многу турбуленции во изминатите шест месеци. Џорџеску вели дека не планира да се приклучи на ниедна политичка партија или движење, освен во случај на кршење на правата на оние кои размислуваат поинаку, пренесува „Политико“.

„Сепак, ако видам дека се кршат правата на оние кои избрале поинаку, повторно ќе се приклучам со јасен глас во одбраната на принципите на демократијата и слободата“, рече Џорџеску, кој е противник на НАТО и Европската унија, а му се припишува и блискост со Русија.

Тој победи во првиот круг од претседателските избори во Романија во ноември 2024 година, но изборите потоа беа поништени со образложение дека Москва се мешала во негова корист. На Џорџеску му беше забрането да се кандидира на повторените избори овој месец и се соочува со кривични обвиненија поврзани со сомнение за промовирање фашистички идеологии.

На повторените избори на почетокот на мај, умерениот кандидат Никушор Дан го победи крајнодесничарскиот кандидат Георге Симион, победувајќи со над 53 проценти од гласовите и стана претседател.

Романија: Џорџеску не може пак да се кандидира за претседател, одлучи Уставниот суд