Скопската полиција поднесе кривична пријава против 31-годишниот Ќ.С. од Скопје, но и против други лица, кои се осомничени дека извршиле три измами.

Полицијата тврди дека од 3 до 5 овој месец, маж кој се претставувал како организатор на семинари за стрелаштво, летање со параглајдер и алтернативен туризам во хотели во Берово и Маврово, од три лица, телефонски побарал пари на заем за набавка на разна опрема и материјали за одржување на семинарите.

Парите ги земал преку Ќ.С., на различни локации на територија на град Скопје. На петти овој месец полицајци го уапсиле Ќ.С., а подоцна оштетените го препознале уапсениот.