Серискиот измамник кој им се јавува на повозрасни луѓе и ги лаже дека нивните деца направиле сообраќајна несреќа со жртви, не успеала во два наврата во Куманово, каде 90-годишна жена и 77-годишен маж се посомневале во приказната и пријавиле во полиција, соопшти МВР.

„На 01.10.2025 во СВР Куманово, 90-годишна кумановка и 77-годишник од Куманово пријавија дека едно лице се обидело да ги измами. Според пријавеното, лицето им се јавило на телефон и им кажало дека наводно членови од нивните семејства предизвикале сообраќајни незгоди во кои прегазиле дете и ќе треба да дадат одредена сума на пари за да не одат во затвор. Како што е пријавено, тие се посомневале во точноста на информацијата и пријавиле во полиција. Се преземаат мерки за расчистување на случаите“, пишува во полицискиот билтен.

Само од почетокот на годинава, неколку десетици луѓе беа измамени за големи суми пари со приказната со лажна сообраќајна несреќа.