Изложба во МКЦ: Арт-колажи на Бурџу Мусли
Младата визуелна уметница Бурџу Мусли (1997, Скопје) самостојно се претстави со 20-ина дигитални надреалистички колажи со наслов „Чистилиште“ (Purgatory).
Препорачано
Самиот наслов ја открива целта на изложбата, односно авторката со арт-колажите сака да ги ослободи гостите во нејзиниот внатрешен свет од сивилото на зафатениот и преокупиран живот. По оваа изложба авторката очекува да се „исчистат“ сите негативни размислувања и притисоци од различни аспекти на животот, да се почувствува слободата и да се отвори можност за повторно раѓање на мотивација за понатамошна работа.
Мусли е апсолвент на Факултетот за ликовни уметности (сликарски оддел), учествувала на неколку групни изложби, на една меѓународна изложба за млади уметници во Њујорк, а веќе имала и една самостојна изложба, исто така, со арт-колажи.
(Текстот е објавен во „Културен печат“ број 47, во печатеното издание на „Слободен печат“ на 5-6 септември 2020)
