КУЛТУРЕН ПЕЧАТ број 281, во печатеното издание на весникот „Слободен печат“ (17-18.5.2025), во својот стандарден формат на осум страници меѓу содржините од областа на уметноста и културните настани има:

– современиот танц од Балканот со платформата „Мувинг Балканс“ ќе се позиционира на европската сцена – репортажа од шоукејс-програмата во Љубљана, Риека и Загреб

– интервју со писателката и издавач Билјана Црвенковска: Предизвиците како писателка се помали од оние со кои се соочувам како издавач

– разговор со Јовица Ивановски за неговата најнова поетска книга „Скапо е сонцето“: Бегајте од поет што е нормален!

– „Остен Музеј Скопје“ со уметничкиот проект „Боја и не-боја“ на саемот „Арт Тесалоники 2025“ се претставува со дела од Микеланџело Пистолето, Киро Урдин и Мице Јанкуловски

– ретроспективна изложба на скулпторката Анета Светиева се подготвува во Даут-пашин амам

– книгата „Црвен се барјак развева“ за истоимената изложба на Кирил Пенушлиски ќе има промоција во Чифте амам

– промоцијата на најновиот роман на авторката Ана Стојаноска со наслов „Неколку тишини подоцна“ ќе се одржи на 17 мај (сабота), на Факултетот за драмски уметности во Скопје

– новата стихозбирка „Вообразби“ (лирски етиди за некој друг свет) на Бранко Цветкоски е објавена во поетската едиција на Книгоиздателството „Макавеј“

– излезе од печат хрватскиот превод на романот „Турнеја“ на Сашо Огненовски во издание на издавачката куќа „Неолит“ од Копривница во Хрватска

– на неодамна завршениот Саем на книга беше претставен шестиот крими-роман на Анде Јанков, со наслов „Мементо мори“

– нови книги на писателот за деца Васил Мукаетов се „Стасај ме ако можеш“ во издание на „Матица македонска“ и „Дотаму-доваму, натаму-наваму“ во издание на „Просветно дело“.