За подобрување на пристапноста и за безбедно движење за пешаците, особено за постарите лица и лицата со попреченост, Општина Гази Баба изгради нови пристапни патеки во населбата Железара. Оттаму велат дека патеките се изведени со висококвалитетни павер елементи, што обезбедуваат трајност, стабилност и модерен изглед.

Инфраструктурни активности се изведуваат и во Ченто.

Во населба Ченто беше целосно уредена и поплочена една од локалните улици со павер елементи. Со овој зафат се овозможува побезбедно движење, како и подобра инфраструктурна поврзаност за жителите од овој дел на општината – информира градоначалникот Бобан Стефковски.

Тој додава дека Општина Гази Баба ќе продолжи со реализација на нови проекти во сите населени места за подобрување на урбаната средина, како и за подигнување на стандардот на живеење преку уредени и функционални јавни простори.