Во пожар во куќа на улицата „Финска“ во скопската населба Ченто, загинал 71-годишен човек, а неговата сопруга е во болница поради вдишан чад, соопшти полицијата.

„Ноќеска во 00.51 часот во СВР Скопје било пријавено дека на улицата „Финска“ во Скопје настанал пожар во куќа, сопственост на М.А.(71). При гаснење на пожарот, од екипа на Бригадата за противпожарна единица Скопје бил пронајден починат сопственикот, а лекар од Итна медицинска помош констатирал смрт. Неговата сопруга А.В.(68) со симптоми на гушење била пренесена во Комплекс клиники „Мајка Тереза“ во Скопје“, пишува во полицискиот билтен.

Пожарот бил изгаснат, а увид извршила екипа на СВР Скопје.