Изет Меџити едногласно е избран за претседател на денешното основачко собрание на политичката партија Демократското движење, официјализирана на 22-годишнината од потпишувањето на Охридскиот рамковен договор.

Не нѐ донесе инаетот овде, туку свеста. Не нè донесе алчноста, туку нè инспирираше волјата. Не се соединивме за да бидеме против, туку за да бидеме водачи. Не се собравме поради гнев, туку поради ентузијазам. Не се движевме од лична инерција, туку од определба да ги придвижиме работите напред, за општо добро преку личен придонес – рече во својот говор Меџити.

Тој рече дека првичната мисија на Демократското движење е да го обедини искуството од минатото со волјата на иднината. Не со политичка теорија, туку со искористување на искуствата на оставените настрана и и со ангажирање и поттикнување на младите луѓе со образование, знаење, стручност и енергии кои не се користат ни одблиску доволно.

Меџити нагласи дека битката за целосна зачленување во ЕУ подразбира самоконтрола, самодисциплина, избегнување личен профит на сметка на општеството почитување на законот и спроведување на законите на начин на кој ќе се почитува граѓанинот.

Демократското движење смета дека е не доволно про-ЕУ вербализмот, репродукција на закони без почитување на правниот дух на ЕУ, зависност од бирократијата на ЕУ без прифаќање и спроведување на европските вредности, стандарди, критериуми и искуства кои претходеа на создавањето на ЕУ. Не е доволно да бидеме про-ЕУ, ако не се однесуваме како што сме и како што од нас бараат да станеме – Европејци во себе и Европејци како другите, истакна првиот човек на Демократското движење, Изет Меџити.