Првиот Англичанец што ја примил Нобеловата награда за литература, авторот што ја напишал „Книга за џунглата“ и чиј лик Могли нема кој не го знае, сега ни е достапен и преку овој прв препев на неговата поезија на македонски јазик.

Изборот од 48 песни го направи препејувачката Ана Пејчинова, која притоа се раководи од два критериума: релевантноста на песните во денешното време од историски или уметнички аспект и нивното „легнување“ на македонски јазик. Книга е збогатена и со нејзин предговор, биографија на Киплинг и белешки за секоја од песните и интерпретација.

– Главно, оваа збирка бараше време, упорност, многу верзии, сонување зборови со отворени очи и ненадејни инспиративни мигови – објаснува Пејчинова за овој подвиг за пренос на јазикот на Киплинг („некогаш уличен, некогаш архаичен“) на македонски јазик.

(Текстот е објавен во „Културен печат“ број 245, во печатеното издание на весникот „Слободен печат“ на 31.08-01.09.2024)