Дваесет автори од вкупно 43 пријавени беа избрани во првата селекција на жири-комисијата за наградата „Роман на годината“ за 2024. Комисијата треба да го соопшти наградениот роман најдоцна до 15 март, а победникот ќе добие плакета, уникатна статуетка и паричен износ од 150.000 денари.

Наградата што по 26-ти пат ја доделува Фондацијата за унапредување и промоција на културните вредности „Славко Јаневски“, а чиј генерален покровител е Комерцијална банка АД Скопје, е поддржана и од Министерството за култура.

Жири-комисијата е во состав Лидија Димковска (минатогодишна лауреатка и претседателка на жирито), Маја Бојаџиевска, Ѓоко Здравески, Андреј Ал-Асади и Катерина Богоева (претставничка на Фондацијата).

Прва селекција за наградата „Роман на годината“ за 2024 година

1. „Ветрилиште“, Игор Анѓелков, „Или-или“

2. „Јод“, Снежана Младеновска Анѓелков, „Или-или“

3. „Играта на господин Филип“, Санта Аргирова, „Култура“

4. „Коски, пепел, чад“, Мери Арсова, „Антолог“

5. „Риба во(н) мрежа“, Јована Матевска Атанасова, „Арс Либрис“

6.„Ковчежето со драгите предмети“, Матеј Богдановски, самостојно издание

7.„Тони“, Румена Бужаровска, „Три“

8.„Кој го уби Едгар Алан По“, Владо Јаневски, „Или –или“

9. „Недостиг“, Симеон Јанков, „Или-или“

10.„Ехото на акробатите“, Владимир Јанковски, „Арс Либрис“

11.„Леска Брезоска“, Симона Јованоска, „Или –или“

12.„Страшни приказни“, Сузана Камберова, „Арс Либрис“

13.„Простување“, Кица Колбе, „Или –или“

14.„Светот што го избрав“, Калина Малеска, „Или-или“

15.„Јас пратеник“, Владимир Мандичевски Манде, „Баги Комуникации“

16.„Неочекувано“, Ана Мовска, „Арс Либрис“

17.„И ѕирка и проѕирка“, Огнена Никуљски, „Антолог“

18.„Не ѝ верувај на баба ти“, Натали Спасова, Н. Славковска

19. „И јас сум Сирма“, Зоран Спасов Ѕоф, „Арс Либрис“

20.„Приказни од ѕунливото море“, Билјана С. Црвенковска. „Чудна шума“