Заврши седмиот Медиа Дејли избор за најдобар регионален портал за вести во 2024 година, а единствен учесник од Македонија во годинешниот избор беше токму „Слободен печат“.

Во тешка конкуренција, збирот на поени на жирито одлучи најдобар регионален портал за 2024 година да биде Телеграм.хр. Рангирањето е според вкупниот број на бодови 28 од жирито и 12 од читателите во анкетата. Гласањето беше отворено од 1.11. до 30.11, а вкупно гласаа 13.812 гласачи.

„Слободен печат“ заврши на четврто место по бројот на гласови на читателите, а на десетто место по вкупниот број на гласови на читатели и стручното жири.

Членовите на жирито го опишаа овогодинешниот победник како портал со точни наслови, точни и информативни текстови придружени со соодветна опрема со јасна и приспособена и визуелно привлечна содржина. Брзината на порталот е многу добра, има интересни приказни и анализи, одлична фотографија, а почитувањето на новинарските кодекси во целост се почитува.

Важно е да се напомене дека при бодување на жирито, во случај на ист број поени, приоритет на листата имал порталот кој добил повеќе гласови од претседателот на жирито.
Да потсетиме кои се сите претходни победници:
2018 – 24ur.com – Словенија
2019 – 24ur.com – Словенија
2020 – 24ur.com – Словенија
Во 2021 година – Nova.rs – Србија
Во 2022 година – Danas.rs – Србија
2023 – Balkans.aljazeera.net – Босна и Херцеговина
2024 – Telegram.hr – Хрватска