Јавното претпријатие „Улици и патишта”- Скопје известува дека денеска (сабота) во периодот од 8-14 часот ќе се вршат градежни работи за санација на коловозот, на улицата „Димитрија Чуповски“ во насока од „Порта Македонија“ до улицата „Македонија“.

Утре (недела) ќе се изведуваат активности за обележување на хоризонталната сигнализација на сообраќајницата.

– Апелираме да се почитува поставената сообраќајна сигнализација и замолуваме за трпение во сообраќајот во часовите до завршување на градежните работи, со цел зголемена сигурност и безбедност за сите учесници во сообраќајот, велат во известувањето од претпријатието.