Директорот на Јавното претпријатие „Железници Инфраструктура“, Синиша Ивановски, синоќа најави дека со новиот договор помеѓу Македонија и Велика Британија, вреден до 6 милијарди евра, околу 2 милијарди се наменети за изградба на новата железничка линија Скопје – Гевгелија. Исто така, предвидено е и железничко поврзување на Скопје со Меѓународниот аеродром во Петровец.

Во гостување на „Бизнис21“ на ТВ21, Ивановски порача дека проектот претставува квантен скок во транспортната инфраструктура на земјата и е од суштинско значење за приближување до стандардите на ЕУ.

„Ова е долго посакувана новогодишна желба која конечно станува реалност. Скопјани ќе можат од центарот директно со воз да стигнат до аеродромот“, вели тој.